Сӯхтор дар бозори «Ҷал – Ҷам»

Душанбе, 22 ноябр. (АМИТ «Ховар», Лутфия Эшонқулова ). – Субҳи 21 ноябр дар ҳудуди бозори «Ҷал – Ҷам», ки яке аз бозорҳои калонтарини масолеҳи сохтмонӣ ба шумор меравад, сӯхтор ба амал омад.Масоҳати сӯхтор беш аз 100 метри мураббаъро ташкил дода, вале бар асари он касе осеб надидааст. Мувофиқи маълумоти пешакӣ, сабаби сар задани сӯхтор риоя нашудани қоидаҳои бехатарӣ аз сӯхтор ҳангоми иҷрои кафшергарӣ будааст.Алҳол дар маҳалли ин воқеа гурӯҳи тафтишотӣ кор карда, зарари сӯхтор ба ҳисоб гирифта мешавад.