Садамаи нақлиётӣ- боиси марги шаҳрванд

Душанбе, 2-ноябр. (АМИТ «Ховар», Зарангез Латифова).-Бар асари садамаи нақлиётӣ, ки шабонарӯзи гузашта дар ҷумҳурӣ рух дод, як нафар ҷони худро аз даст дод. Ба иттилои корманди Раёсати Бозрасии давлатии автомобилӣ Муҳаммадшариф Шамсов, шабонарӯзи гузашта тахминан соати 19:00 дар ноҳияи Файзобод ронандаи нақлиёти тамғаи «Опел астра» Маҳмадрасул Усмонов ҳангоми ҳаракат аз самти шаҳри Роғун ба самти Ваҳдат дар километри 36-уми роҳи Ваҳдат-Рашт-Ҷиргатол бехатарии ҳаракати роҳро риоя накарда, ба самти муқобил мебарояд ва ба мошини «КАМАЗ-5511», ки таҳти идораи ронанда Суҳроб Ҳафизов буд, бармехӯрад, ки дар натиҷаи садама ронандаи мошини «Опел астра» ҷароҳати вазнини ҷисмонӣ бардошта, дар беморхона ба ҳалокат мерасад.