Сакура — рамзи дӯстии мустаҳками Тоҷикистону Ҷопон
Душанбе, 12 ноябр. (АМИТ «Ховар»). – 10 ноябр дар Сафорати Ҷумҳурии Тоҷикистон дар Ҷопон маросими аз номи созмони «Соя» — и Ҷопон супурдани ниҳолҳои дарахтони сакура баргузор гардид. Дар ин чорабинӣ вазири корҳои хориҷии Ҷумҳурии Тоҷикистон Ҳамрохон Зарифӣ ва роҳбари созмони «Соя» хонум Мика Мори ширкат доштанд.Ҳамрохон Зарифӣ ба ҳозирон аз боби решаҳои таърихии дӯстии байни халқҳои тоҷику ҷопон, ки аз Роҳи бузурги абрешим манша мегиранд, перомуни вазъи ҳозира ва дастовардҳои ҳамкории дуҷониба, ёрии бебаҳои Ҳукумати Ҷопон ба Тоҷикистон ба рушди маориф, тандурустӣ, инфрасохтор ва ба бахшҳои дигар нақл кард.Сипас Мика Мори дар вазъияти ботантана 100 ниҳоли дарахтони сакураро ба вазир супурд, ки ҳангоми ифтитоҳи бинои нави Вазорати корҳои хориҷии кишвар шинонида мешаванд.Созмони «Соя», ки бо мукофоти Вазорати корҳои хориҷии Ҷопон ва мукофотҳои гуногуни байналмилалӣ сарфароз шудааст, дар бахшҳои мухталифи фарҳанг фаъолият дорад. Дар ин бора аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






