Самараи 20 соли муносибатҳои дипломатӣ

Душанбе, 12 ноябр. (АМИТ «Ховар», Лаззат Диловарзод).- Нуҳуми декабри соли 2012 ба ибтидои муносибатҳои дипломатии Тоҷикистону Швейтсария 20 сол пур мешавад. Давлати Швейтсария аз соли 1993 ба ҳайси роҳбари гурӯҳи намояндагӣ дар сохторҳои байналмилалии молиявӣ манфиатҳои Тоҷикистонро ҳимоя ва ҷонибдорӣ намудааст,-иброз доштанд дар Бонки миллӣ ба мухбири АМИТ «Ховар».Тавассути Дафтари Швейтсария оид ба ҳамкорӣ , ки 14 сол боз дар Тоҷикистон фаъолият дорад, лоиҳаҳои сершумори иҷтимоию иқтисодӣ роҳандозӣ гардидааст.Ба иттилои манбаъ, дар амалисозии лоиҳаҳо беш аз 250 млн. доллари амрикоӣ дар рафъи камбизоатӣ мавриди истифода қарор ёфтааст.Дар айни замон дар ҷумҳурии мо бо маблағгузории грантии Швейтсария 50 лоиҳа дар соҳаҳои гуногун, аз ҷумла энергетика, обтаъминкунӣ ва тандурустӣ амалӣ мегардад.- «Швейтсария ҳамчунин дар тайёр намудани кадрҳои баландихтисоси энергетикӣ ба Тоҷикистон ҳамкории босамарро густариш хоҳад дод»,-афзуданд дар Раёсати ҳамкориҳои байналмилалии Бонки миллӣ.