Сармуҳосиби қочоқгар дастгир шуд

Душанбе, 29 ноябр. (АМИТ «Ховар», Лутфия Эшонқулова). – 28 ноябр кормандони мақомоти ҳифзи ҳуқуқ дар шаҳри Душанбе қариб 2 килограмм маводи нашъаоварро мусодира намуданд.Назар ба хабари Вазорати корҳои дохилии ҷумҳурӣ, дар ҷараёни амалиёти фаврӣ дар ҳудуди ноҳияи Фирдавсии пойтахт сокини 30 – солаи шаҳр, сармуҳосиби Ҷамъияти масъулияташ маҳдуди «Бойнодир» бо гумонбари қочоқи маводи нашъаовар дастгир шуда, аз ӯ 1 килограмму 900 грамм ҳашиш мусодира гардид. Аз рӯи ин қазия парвандаи ҷиноӣ кушода, тафтишот идома дорад.