Сатҳи таваррум муътадил аст

Душанбе, 14 ноябр. (АМИТ «Ховар», Ибодат Давлатова).- Дар давоми даҳ моҳи соли равон яке аз нишондиҳандаҳои муҳим – таваррум чун пештара дар сатҳи муътадил қарор дошта, 6,1 фоизро ташкил дод, ки нисбат ба ҳамин давраи соли гузашта 2,9 банди фоизӣ паст мебошад. Тавре ки ба мухбири АМИТ «Ховар» аз Хадамоти матбуоти БМТ иттилоъ доданд, тибқи маълумоти расмӣ нишондиҳандаи мазкур дар моҳи сентябр ба 0,5 фоиз баробар шуда, дар давоми як соли охир 6,5 фоизро ташкил намуд. Меъёри бозтамвил чун яке аз фишангҳои сиёсати пулию қарзӣ – тайи се моҳи охир бетағйир дар сатҳи 6,5 фоиз қарор дорад.