Тақвияти ҳамкориҳои иқтисодии Тоҷикистону Беларус
Душанбе, 2 ноябр. (АМИТ «Ховар» Ибодат Давлатова).-Вазъи умумии робитаҳои иқтисодӣ ва дурнамои рушди ҳамкориҳои байни ду кишвар аз мавзуъҳое буданд, ки имрӯз дар мулоқоти вазири рушди иқтисод ва савдо Шариф Раҳимзода бо сафири фавқулодда ва мухтори Ҷумҳурии Беларус дар Ҷумҳурии Тоҷикистон Олга Гаврук мавриди баррасӣ қарор гирифтанд. Тавре ки ба мухбири АМИТ «Ховар» аз Вазорати рушди иқтисод ва савдо хабар доданд, зимни вохӯрӣ тарафҳо аз сол ба сол густариш ёфтани ҳамкориҳои иқтисодӣ байни ду кишвар изҳори қаноатмандӣ намуданд. Аз ҷумла, таъкид гардид, ки гардиши мол байни ду кишвар дар соли гузашта 66,9 млн. доллари ИМА-ро ташкил дод, ки нисбат ба нишондиҳандаи соли 2010 167,4% зиёдтар аст. Дар нуҳ моҳи соли ҷорӣ гардиши мол байни Ҷумҳурии Тоҷикистон ва Ҷумҳурии Беларус ба 60,7 млн. доллар расид ва ин нишондиҳанда нисбат ба ҳамин давраи соли гузашта 114,9% афзоиш ёфтааст. Дар анҷоми мулоқот зикр гардид, ки ин дастовардҳо ҳанӯз ҳарду ҷонибро қонеъ карда наметавонанд ва дар оянда ҳамкориҳои мутақобилан судмандро дар самтҳои мухталифи иқтисод, аз ҷумла соҳаҳои кишоварзӣ ва энергетика, ташкили корхонаҳои муштарак, иштирок дар лоиҳаҳои муштараки иқтисодӣ бояд тақвият бахшид, зикр намуд манбаъ.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






