Таҷлили ҷашни милитсия дар ҷузъу томҳои ВКД
Душанбе ,9 ноябр. (АМИТ «Ховар», Лутфия Эшонкулова).- Бахшида ба Иди касбии кормандони мақомоти милитсия 8 ноябр дар шуъбаи Вазорати корҳои дохилии шаҳри Роғун чорабинии идона баргузор гардид.Тавре ки сомонаи расмии ВКД хабар медиҳад, дар саҳни шӯъбаи милитсияи шаҳр ба хотири шаҳидони роҳи озодӣ, он кормандони милитсияе, ки ҳангоми адои хизмат ва мубориза бар зидди ҷинояткорӣ ба шаҳодат расидаанд, лавҳаи хотира гузошта шуд. Дар маросими кушоиши лавҳаи хотира сардори Раёсати Вазорати корҳои дохилӣ генерал-майори милитсия Фарҳодбек Шодмонбеков, раиси шаҳр ва прокурори шаҳри Роғун, ҳайати шахсӣ ва сардори шуъбаи Вазорати корҳои дохилии шаҳри Роғун, полковники милитсия Тағоймурод Саидов, собиқадорони милитсия ва аъзои оилаи он нафароне, ки саробонҳои онҳо ҳангоми хизмат ба ҳалокат расидаанд, иштирок намуданд. Ҳозирин ҳангоми суханронӣ аз фаъолият ва ҷоннисориҳои шаҳидон-собиқ кормандони милитсия ба некӣ ёдоварӣ намуданд. Сипас аз ҳисоби Вазорати корҳои дохилӣ ва ҳукумати шаҳри Роғун ба собиқадорон ва оилаҳои бесаробон кӯмакҳои моддӣ расонида шуданд. Дар Қасри фарҳанги шаҳри Роғун аъзои ансамбли «Сомон»-и Вазорати фарҳанг ва «Мавҷи Роғун» бо суруду таронаҳои дилошӯби хеш табъи хозиринро шод намуданд.Дар охир бо фармони вазири корҳои дохилии кишвар Рамазон Раҳимов як гуруҳ кормандони фаъол, ки бо кӯшишу талошҳояшон натиҷаҳои хуби корӣ нишон додаанд, бо ифтихорномаю раҳматномаҳо ва рутбаҳои навбатии низомӣ сарфароз гардиданд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






