Таҷлили Рӯзи хотираи Иттиҳоди миллатҳо

Душанбе, 13 ноябр. (АМИТ «Ховар», Пайрав Назаров). – Бо дастгирии Сафорати Британияи Кабир дар Тоҷикистон 11 ноябр дар боғи Ғалабаи шаҳри Душанбе Рӯзи хотираи Иттиҳоди миллатҳо таҷлил гардид. Дар маросими Рӯзи хотира сафирони Британияи Кабир, Ҳиндустон ва Покистон ҳамроҳи ҳайатҳои намояндагиҳои дипломатии Сафорати Канада дар шаҳри Остона, шаҳрвандони Иттиҳоди миллатҳо, собиқадорони Ҷанги Бузурги Ватанӣ аз Тоҷикистон ширкат доштанд.Сафири Британияи Кабир дар Тоҷикистон Робин Орд Смит ва намояндагони Шӯрои собиқадорони Ҷумҳурии Тоҷикистон зимни суханрониашон аҳамияти Рӯзи хотираи онҳоеро, ки дар замони ҷанг ҷони худро барои таъмини сулҳу субот қурбон кардаанд, зикр намуданд.Аз соли 1919 инҷониб Шоҳигарии Муттаҳида ва аксарияти кишварҳои Иттиҳоди Британия Рӯзи хотираи низомиён ва шаҳрвандеро, ки дар замони ҷанг зарар дида буданд, ҳар сол 11 ноябр ёд мекунанд.Дар ин бора аз Сафорати Британияи Кабир дар Тоҷикистон ба АМИТ «Ховар» хабар доданд.