Таҷлили Рӯзи Парчами миллӣ дар ДМТ

Душанбе, 23 ноябр. (АМИТ «Ховар», Зарангез Латифова) .- Дирӯз дар маҷлисгоҳи Донишгоҳи миллии Тоҷикистон бахшида ба Руӯи Парчами давлатӣ чорабинии бошукуҳ баргузор гардид. Дар чорабинӣ Маликшо Неъматов, раиси Кумитаи ҷавонон, варзиш ва сайёҳӣ ва устодону донишҷӯёни донишгоҳи мазкур ширкат варзиданд. Ба иттилои Иброҳим Мирзоев, масъули бахши тарбияи ватандӯстии ҷавонони Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон чорабинӣ дар ҳамбастагӣ бо донишгоҳу доишкадаҳо баргузор шуд. Ҳадафи баргузории чорабинӣ шиносоии ҷавонон бо анъана ва дастовардҳои миллӣ, бедор кардани ҳисси ватандӯстӣ ва ҳуввияти миллии ҷавонон нисбат ба Парчам ва таърихи он мебошад,- афзуд мудири бахши таълими иттилоотии Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Ҷалолиддин Нуров. Бояд гуфт, ки ин гуна чорабиниҳо дар Донишкадаи молия ва иқтисод ва Донишкадаи тарбияи ҷисмонӣ низ баргузор шуданд.