Таҷрибаи Туркия дар хоҷагиҳои Шаҳринав
Шаҳринав, 21 ноябр. (АМИТ «Ховар», Ҳотам Рабиев).- Як гуруҳ мутахассисони соҳаи чорводории ноҳияи Шаҳринав аз сафари Туркия баргаштанд. Ин сафари онҳо бо дастгирии Ташкилоти озуқа ва кишоварзии Созмони Миллали Муттаҳид ва кӯмаки давлати Туркия ҷиҳати шиносоӣ ва таҷрибаомӯзӣ баргузор гардид. Дар машварате, ки дар шаҳри Бурсаи Туркия дар иттиҳодияи давлатии илмию истеҳсолии «Тигем» доир гардид, намояндагон аз ҷумҳуриҳои Тоҷикистон, Озарбойҷон, Қирғизистон ва худи Туркия ҳузур доштанд. Тавре ки сарбайтори ноҳияи Шаҳринав Аслиддин Ҳамдамов иброз дошт, дар ин ҷо аз як сар модагов аз 26 то 46 литрӣ шир ҷӯшида мешавад, ки ба ҳисоби миёна ба 37 литр рост меояд. Ҳамаи чорво бо ғизоҳои зарурии хӯроки дурушт, ширадор ва эми серғизо пурра таъминанд. Ба гӯсфандон чунон хӯроки серғизо медиҳанд, ки аз ҳар 100 сар меш ба ҳисоби миёна 140 -160 сарӣ барра гирифта мешавад. А.Ҳамдамов мегӯяд, ки дар ҳақиқат дар ҷумҳурии мо низ таъсиси корхонаи хӯроки омехтаи серғизои чорво ниҳоят зарур аст, зеро 70 фоизи бемориҳои ғайрисироятӣ аз нодуруст додани хӯрок вобаста аст. Яъне, 30 фоиз аз зот ва 70 фоиз аз хӯрокӣ вобаста аст. Мутахассисони тоҷик дар яке аз ноҳияҳои шаҳри Бурса ба фаъолияти пурсамари Ассотсиатсияи чорводорон ошно гардиданд. Ассотсиатсияи мазкур марказҳои таълимотӣ низ дорад ва доимо чорводоронро бо навовариҳо ошно намуда, ҳуқуқҳои онҳоро ҳаматарафа ҳимоя менамояд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






