Тармими муассисаҳои тандурустӣ дар Ҳамадонӣ

Ҳамадонӣ, 8 ноябр. (АМИТ «Ховар», С. Холов).-Дар ноҳияи Ҳамадонӣ сол ба сол вазъи муассисаҳои тандурустӣ беҳтар мегардад. Беморхонаи минтақавӣ, ки дар ҷамоати деҳоти Дашти гулҳо фаъолият дорад, панҷ сол пеш дар ҳолати хеле бад қарор дошт. Бо маблағгузории ҳукумати ноҳия ва соҳибкорони маҳаллию хоҷагиҳои деҳқонии ҳудуди ҷамоат болопӯши бино навсозӣ шуда, дохили бино ва шуъбаҳои алоҳидаи он таъмир шуданд. Соли ҷорӣ аз ҳисоби буҷаи маҳаллӣ барои таъмиру навсозии шуъбаи бемориҳои сироятӣ ва кӯдаконаи беморхона 55 ҳазор сомонӣ ва аз хоҷагиҳои деҳқонию соҳибкорони ҷамоати деҳоти Дашти гулҳо 18 ҳазор сомонӣ масраф гардидааст.