«TM-international» чӣ мехоҳад?

Ноябрь 7, 2012 16:53

Душанбе, 7 ноябр.(АМИТ «Ховар», Саидэҳсони Солеҳ).-Ширкати муштараки байналмилалии Тоҷикистон-Малайзия «TM-international» VII-умин Намоишгоҳи байналмилалии таълимиро дар Тоҷикистон доир мекунад. Намоишгоҳ дар ҳамдастӣ бо Ҳукумат, палатаи савдо ва саноати кишвар ва Вазорати маорифи Тоҷикистону Малайзия рӯзҳои 8-9-уми ноябр аз соати 09:00 то 17:00 дар меҳмонхонаи «Ҳаят Реҷенси»-и пойтахт ва санаи 10-уми ноябр дар Донишгоҳи тиҷоратии Тоҷикистон дар шаҳри Хуҷанд доир мегардад. Дар VII-умин Намоишгои байналмилалии таълимӣ иштироки Сафири Малайзия, намояндаи Дастгоҳи иҷроияи Президенти ҶТ ва роҳбарони Донишгоҳҳои Британияи Кабир, Ҷумҳурии Хитой, Туркия, ҶИЭ, ИДА, ИДМ ва ғайра ба наќша гирифта шудааст. Дар ин намоишгоҳ толибилмон ва хоҳишмандон метавонанд аз тарзи таҳсилу омўзиш дар донишгоҳҳои кишварҳои хориҷӣ иттилоъ пайдо намоянд. Тибқи иттилои директории ширкат Абдуразоқ Абдуллоев, мувофиқи шартномаҳои тарафайн дар намоишгоҳи таълимӣ донишгоҳҳои равияи илмҳои дақиқ, технологияи информатсионӣ, муҳандисӣ ва меъморӣ ширкат менамоянд. Ӯ мегӯяд азбаски дар Тоҷикистон ҳоло ба мутахассисони соҳаҳои илмҳои дақиқ ниёз ҳаст, онҳо тасмим гирифтанд, ки барои омода намудани чунин мутахассисони баландихтисос бо пешрафтатирин донишгоҳҳои кишварҳои хориҷӣ қарордод ба имзо расонанд. Гуфта шуд соли равон ширкати «TM-international» бо Донишгоҳи такмили ихтисоси Лондон, Коллеҷи идоракунии Лондон, Донишгоҳи давлатии технологии Малайзия, Коллеҷи Президентии Малайзия ва Донишгоҳи «Skyline»-и Аморати муттаҳидаи Араб шартнома ба имзо расонд.

Ноябрь 7, 2012 16:53

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд