Вохӯрии судманд дар Вена

Ноябрь 23, 2012 17:29

Душанбе, 23 ноябр. (АМИТ «Ховар», Дилшодаи Хайруллоҳ).- 22-уми ноябри соли ҷорӣ вазири энергетика ва саноати Ҷумҳурии Тоҷикистон Гул Шералӣ бо Директори генералии муассисаи Созмони Милали Мутаҳид оид ба рушди саноат (ЮНИДО)- ҷаноби Кандэ К. Юмкелла мулоқот доир намуд. ЮНИДО дар шароити кунунии ҷаҳонишавӣ ба кишварҳои рӯ ба рушди ҷаҳон дар давраи гузариши иқтисодӣ бобати мубориза бар зидди кӯҳнапарастӣ кӯмак мерасонад. Ташкилоти мазкур бо ҷалби дониш, таҷриба, иттилоот ва технология дар масъалаи ба кор ҷалб намудан, рушди иқтисодиёти рақобатпазир ва таъмини устувории иқтисодӣ мусоидат менамояд. Ҷаноби Кандэ К. Юмкелла Директори генералии муасисаи Созмони Милали Мутаҳид оид ба рушди саноат (ЮНИДО) таҷрибаи 20-солаи кор дар соҳаи ҳамкориҳои байналмилалӣ бо мақсади рушд буда, иқдому ташаббусҳои алоҳидаро дар самти рушди устувори саноат, тавсиаи ҳамкориҳои байналмилалӣ, таъсис додани шароитҳо барои савдо, истифодаи минбаъҳои азнавбарқароршавандаи энергея, таъмини самарабахши таъмин бо нерӯи барқ, ҳамчунин коҳиш додани таъсири натиҷаҳои тағирёбии иқлим ва мутобиқат ба он сарварӣ намудааст. Вазири энергетика ва саноати Ҷумҳурии Тоҷикистон Гул Шералӣ ҷиҳати минбаъда густариш додани ҳамкориҳо дар доираи ЮНИДО таклифҳо ба миён гузошт. Дар доираи ЮНИДО ба наздикӣ бо мақсади рушди саноати хӯрокворӣ, бахусус коркарди хушкмева дар Тоҷикистон 1млн доллари ИМА ҷудо менамояд. Азбаски аз моҳи июли соли 2013 ваколатҳои ҷаноби К.Юмкелла чун сарвари бахши энергетикаи СММ оғоз мешавад, вобаста ба он Г. Шералӣ доир ба тавсиаи ҳамкориҳо дар масъалаи CASA-1000 ва дигар лоиҳахои энергетикӣ пешниҳодҳо ироа кард. Дар ин бора ба мухбири АМИТ «Ховар» аз котиботи Вазорати энергетика ва саноати Ҷумҳурии Тоҷикистон иттилоъ доданд.

Ноябрь 23, 2012 17:29

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд