Захираи ангишт дар Нуробод

Рашт, 8 ноябр. (АМИТ «Ховар», М.Ризвонов). – Дар ноҳияи Нуробод барои омодагӣ ба фасли сармо тадбирҳои мушаххас меандешанд. Пеш аз ҳама ба таъмини захираи маводи сӯзишворӣ, ангишт ва ҳезум, таъмиру сохтмони иншоот, ташкили нуқтаҳои фурӯши сӯзишворӣ, захираи маводи ғизоӣ, таъмиру омодасозии иншооти интиқоли барқ, роҳҳои мошингард ва захираи хӯроки чорво диққати ҷиддӣ дода мешавад.Ба қавли роҳбари дастгоҳи раиси ноҳияи Нуробод Зафар Ҳисориев дар муассисаҳои маориф ва тандурустӣ ба миқдори 1230 тонна ангишт ва 1167 метри мукааб ҳезум захира шудааст, ки мутаносибан баробари 100 ва 100,5 фоизи талабот аст.