Қаллобӣ ба маблағи 15000 долари амрикоӣ

Душанбе,31 декабр.(АМИТ «Ховар»,Фарзона Достонзода).-Ба мақомоти корҳои дохилӣ дар ноҳияи Рӯдакӣ-1 сокини ш.Душанбе шаҳрванд Сайфиддин Ҳоҷиеви 46- сола муроҷиат намудааст, ки соли 2007 Зафар ном шахс бо роҳи фиреб ба бовариаш даромада, аз ӯ 15000 доллари амрикоӣ гирифта, то ҳол барнагардонидааст. Тавре ки сомонаи расмии Вазорати корхои дохилии ҶТ хабар медиҳад, зимни гузаронидани чораҳои фаврию ҷустуҷӯӣ аз ҷониби кормандони милитсия муайян карда шуд, ки шахси қаллоб шаҳрванд Зафарҷон Сафаров, соли таваллудаш 1967, сокини кӯчаи Фирдавсии шаҳри Душанбе мебошад. Оид ба ин ҳодиса мутобиқи моддаи 247, қисми 4 КҶ ҶТ парвандаи ҷиноӣ оғоз гардида, тафтиш идома дорад.