Ҳайати Тоҷикистон ба Бишкек рафт

Душанбе, 19 декабр.(АМИТ «Ховар», Марзия Саидова).-Ҳайати парлумонии Ҷумҳурии Тоҷикистон таҳти роҳбарии Мирганд Шаҳбозов –муовини раиси Маҷлиси намояндагон имрўз ба Бишкек –пойтахти Қирғизистон сафар кард. Муҳаммадато Султонов –котиби матбуотии палатаи поёнии парлумони мамлакат ба АМИТ «Ховар» иттилоъ дод, ки ҳадафи сафари ҳайати парлумонии Тоҷикистон ба Бишкек тақвияти ҳамкориҳои байнипарлумонӣ миёни ду кишвари ҳамҷавор буда, он дар доираи таҳкими гуруҳи дўстии ҳамкории байнипарлумонии Маҷлиси намояндагони Маҷлиси Олии Ҷумҳурии Тоҷикистон бо Жокоргу Кенеши Ҷумҳурии Кирғизистон ҷараён мегирад. Дар доираи сафари худ ба Қирғизистон ҳайати парлумонии Тоҷикистон бо фаъолият ва ҷараёни таҳияи қонунҳо дар парлумони Қирғизистон-Жокоргу Кенеш ошно гардида, бо роҳбарони парлумони кишвари ҳамсоя атрофи тавсеаи равобити байнипарлумонӣ мулоқот хоҳад намуд.