Ҳалокати донишҷӯ дар садама

Душанбе, 28 декабр. (АМИТ «Ховар», Ибодат Давлатова).-Ронандаи мошини тамғаи «Опел-Астра» Абдуҷалил Мӯсоев, сокини н.Балҷувон, ҳангоми ҳаракат аз тарафи н.Данғара ба самти н.Ҳамадонӣ дар километри 124-уми роҳ аз уҳдаи идораи воситаи нақлиёт набаромада, ба қафои бордони трактор, ки таҳти идораи ронанда Маҳмадамин Ҳакимов, сокини шаҳри Сарбанд қарор дошт, бархӯрдааст.Тавре ки ба мухбири АМИТ «Ховар» аз ВКД хабар доданд, дар натиҷа мусофирони мошини тамғаи «Опел-Астра» Файзиддин Давлатов, соли таваллудаш 1994, сокини н.Ҳамадонӣ, донишҷӯи бахши 1-уми Омӯзишгоҳи тиббии н.Данғара ҷароҳати вазнини ҷисмонӣ бардошта, ҳангоми ба беморхона бурдан ба ҳалокат расидааст ва Бобоҷон Собиров, соли таваллудаш 1993, сокини н.Данғара, донишҷӯи бахши 1-уми Омӯзишгоҳи тиббии н.Данғара ҷароҳати ҷисмонӣ бардошта, дар беморхона бистарӣ шудааст.