Ҳалокати пиёдагард дар садама

Душанбе, 4 декабр.(АМИТ «Ховар»,Фарзона Достонзода.)-03 декабри соли ҷорӣ дар дар километри 624-уми шоҳроҳи Душанбе-Кӯлоб-Хоруғ дар мавзеи «Боенак»-и деҳаи Риваки ноҳияи Шуғнон ронандаи мошини тамғаи номаълум, ҳангоми ҳаракат аз уҳдаи идораи воситаи нақлиёт набаромада, пиёдагард Далер Шосафоеви 27- сола, сокини н.Шуғнонро пахш намудааст. Тавре ки сомонаи расми ВКД иттилоъ дод, дар натиҷа пиёдагард Д. Шосафоев ҷароҳати вазнини ҷисмонӣ бардошта, ҳангоми интиқол ба беморхона дар роҳ ба ҳалокат расидааст. Барои муайян кардани мошин ва дастгир кардани ронанда чорабиниҳои фаврию ҷустуҷоӣ идома доранд.