Ҳамоиши хатмкунандагони донишкадаҳои олии Русия

Душанбе, 25 декабр. (АМИТ «Ховар», Людмила Дубинина). – Чанде пеш дар Маркази илму фарҳанги Русия воқеъ дар шаҳри Душанбе ҳамоиши хатмкунандагони донишкадаҳои олии Русия баргузор гардид. Ин чорабинӣ бо ибтикори Сафорати Русия дар Тоҷикистон, Намояндагии ҳамкории Русия, Вазорати маорифи ҶТ ва Академияи илмҳои Тоҷикистон сурат гирифт. Якчанд насли хатмкунандагони тоҷики донишкадаҳои олии Русия солҳои гуногун ба таҳкими нерӯи иҷтимоию иқтисодии Ҷумҳурии Тоҷикистон саҳм гузоштанд. Онҳо аслан дар ҳамаи бахшҳои ҷомеаи Тоҷикистон, иқтисодиёт, илм, маориф, тибб ва фарҳанги он кор карда, ҳоло ҳам фаъолият доранд. Иштирокдорони ҳамоиш лоиҳаи Оинномаи анҷумани олимон, муҳандисон, кормандони техникӣ, хидматчиёни давлатӣ ва эҷодкоронро мавриди муҳокима қарор доданд.