Ҷамъбасти чемпионати волейбол миёни дастаҳои занона

Душанбе, 19 декабр. (АМИТ «Ховар», Дилшодаи Хайруллоҳ).- Имрӯз дар толори варзишии Маҷмааи варзишию тандурустии шаҳри Душанбе ҷамъбасти чемпионати Ҷумҳурии Тоҷикистон оид ба волейбол миёни дастаҳои занона сурат мегирад.Ёдовар мешавем, ки чорабинии мазкур аз 15 оғоз гардида, дар он бонувони варзишгар аз дастаҳои вилоятҳои Суғду Хатлон, ВМКБ ва навоҳии тобеи марказ ширкат доранд.Ҳамчунин тибқи иттилои Кумитаи ҷавонон, варзиш ва сайёҳӣ бо мақсади тарғиби бокс байни наврасон 23- 26 декабри соли равон дар шаҳри Хуҷанди вилояти Суғд мусобиқаи анъанавии кишварии бокс миёни варзишгарони солҳои таваллуди 1995-1996 ба хотираи Қаҳрамони Иттифоқи Шӯравӣ Исмоил Ҳамзаалиев баргузор мегардад. Дар мусобиқа ширкати дастаҳои Ҷумҳурии Исломии Афғонистон, ҷамоҳири Қирғизистон, Қазоқистон, Ӯзбекистон ва манотиқи Кӯлобу Қурғонтеппаи вилояти Хатлон, ВМКБ, Суғд, шаҳри Душанбе ва шаҳру навоҳии тобеи марказ дар назар аст. Ғолибон ва ҷоизадорон бо медалу дипломҳои Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон қадрдонӣ мешаванд.