7 роҳхати қалбакие дар хатсайри Маскав-Душанбе
Душанбе, 5 декабр. (АМИТ «Ховар», Ибодат Давлатова).-Як гуруҳ шаҳрвандони Ҷумҳурии Тоҷикистон ба намояндагии Хадамоти муҳоҷирати назди Ҳукумати Ҷумҳурии Тоҷикистон дар Федератсияи Русия муроҷиат намудаанд, ки 7 чиптаи дастраснамудаи онҳо дар хатсайри Маскав-Душанбе, ки аз як дӯкони билетфурӯшии шаҳри Маскав харида шудааст, қалбакӣ баромад. Тавре ки ба мухбири АМИТ «Ховар» аз Хадамоти муҳоҷират иттилоъ доданд, Нозия Ғарибмамадова иброз доштааст, ки роҳхатҳоро бо арзиши аз 14 то 16,5 ҳазор рубли русӣ дар яке аз дӯконҳои дилерӣ чанд рӯз қабл аз парвоз аз шаҳрванди ҶТ Комил Ҳайдаров, корманди ин маркази дилерӣ дастрас намудаанд. Қалбакӣ будани роҳхатҳо ҳангоми аз бақайдгирӣ гузаштан дар фурудгоҳ муайян гардидааст. Инчунин маълум гардид, ки чунин чиптаҳои қалбакиро чанд нафари дигар низ ба даст овардаанд. Тавре ки худи онҳо иброз намудаанд, ҳангоме, ки мехостанд ба фурӯшандаи ин роҳхатҳо эътироз намоянд, аллакай дар маркази фурӯши чиптаҳо на фурушанда буду на маркази дилерӣ. Бо назардошти арзи шаҳрвандон кормандони намояндагии ХМ дар ФР бо мақсади дарёфти шахсони қаллоб ва баргардонидани маблағҳои шаҳрвандони ҷабрдида фаъолона кор мебаранд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
