Аз байн бурдани кӯкнор дар Афғонистон

Душанбе, 28 декабр. (АМИТ «Ховар»).-Тавре ки дар торномаи шабакаи интернетии «Hamshahri News» навишта шудааст, ҳафтаи равон дар вилояти Ҳилманди Ҷумҳурии Афғонистон аз ҷониби кормандони мақомоти мубориза бар зидди гардиши ғайриқонунии маводи мухаддири кишвар ҳудуди 3 ҳазор гектар майдони кишти кӯкнор нобуд карда шуд. Ба иттилои мақомоти мубориза бар зидди гардиши ғайриқонунии маводи мухаддир, дар ин иқдом сарони қабилаҳои маҳаллӣ ва фаъолони вилояти мазкур ба кормандони мақомоти полис кўмаки худро расондаанд. Вилояти Ҳилманд аз ҷиҳати кишти маводи мухаддир дар ҳудуди Афғонистон калонтарин ба шумор меравад. Тарҷумаи Иброҳими Ҳабибуллоҳ