Баррасии 36 масъала дар Маҷлиси миллӣ
Душанбе, 14 декабр. (АМИТ “Ховар”, Бекназари Абӯбакр). — 13 декабри соли ҷорӣ дар шаҳри Душанбе таҳти раёсати Раиси Маҷлиси миллии Маҷлиси Олии Ҷумҳурии Тоҷикистон Маҳмадсаид Убайдуллоев иҷлосияи дувоздаҳуми ММ МОҶТ даъвати чорум баргузор гардид.Дар он аъзои Маҷлиси миллӣ бо интихоби котибот ва тасдиқи рўзномаи иҷлосия ба баррасии 36 масъала шурўъ намуданд. Ёвари Раиси ММ МОҶТ оид ба робита бо воситаҳои ахбори омма ва созмонҳои ғайридавлатӣ Шавкат Саидов ба АМИТ «Ховар» иттилоъ дод, ки аъзои Маҷлиси миллӣ зимни баррасии масъалаҳо бо хулоса аз гузоришҳои раисони кумитаҳои марбутаи Маҷлиси миллӣ Бахтиёр Худоёров, Саймурод Тағоймуродов, Давлатшо Гулмаҳмадов, Убайдулло Қурбонов ва Мамадшо Илолов, ворид намудани тағйиру иловаҳо ба як зумра қонунҳои Ҷумҳурии Тоҷикистон, ки бо мақсади такмилу мутобиқсозии ҳар кадоми онҳо ба санадҳои меъёрии ҳуқуқии дар Ҷумҳурии Тоҷикистон амалкунандаро, ки аз ҷониби субъектҳои ҳуқуқи ташаббуси қонунгузорӣ таҳия гашта, баъд аз қабули Маҷлиси намояндагони Маҷлиси Олӣ унвонии Маҷлиси миллӣ пешниҳод ёфтаро, мавриди муҳокима қарор дода, ҷонибдорӣ намуданд. Аз ҷумла, аъзои Маҷлиси миллӣ 4 қонуни наву мукаммали Ҷумҳурии Тоҷикистон, аз қабили «Дар бораи Кодекси шаҳрсозии Ҷумҳурии Тоҷикистон», «Дар бораи экспертизаи зиддикоррупсионии санадҳои меъёрии ҳуқуқӣ ва лоиҳаҳои санадҳои меъёрии ҳуқуқӣ», «Дар бораи шарикии давлат ва бахши хусусӣ» ва «Дар бораи ҳифзи ҳавои атмосфера»-ро ҷонибдорӣ карданд. Дар иҷлосия аз тарафи аъзои Маҷлиси миллӣ Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи шартномаҳои байналмилалии Ҷумҳурии Тоҷикистон», ки аз ҷониби Маҷлиси намояндагон пешниҳод шудааст, бинобар дар мавридҳои алоҳида мутобиқат надоштан бо санадҳои меъёрии ҳуқуқии дар Ҷумҳурии Тоҷикистон амалкунанда, ҷонибдорӣ карда нашуд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






