БДА дар пайи ронандаи гунаҳгор

Қурғонпеппа, 18 декабр. (АМИТ «Ховар», Мурод Сотиев).- Рӯзи шанбеи гузашта дар ноҳияи Данғара бар асари садамаи нақлиётӣ як нафар ҳалок гардид. Назар ба хабари нозири калони Бозрасии давлатии автомобилии вилояти Хатлон Ёрмаҳмад Давлатов, мошини ронандаи номаълум ба сокини ноҳияи мазкур Нуриддин Нуров бархурда, номбурда дар маҳалли ин ҳодиса ҳалок гардидааст. Бозрасии давлатии автомобилии вилояти Хатлон аз ҳамаи сокинон хоҳиш мекунад, ки дар сурати доштани маълумот дар бораи ронандаи зикршуда, лутфан, ба шӯъбаи корҳои дохилии ноҳия ва вилоят хабар диҳанд.