Бонки миллӣ телефони боварӣ ташкил кард

Душанбе, 25 декабр. (АМИТ «Ховар», Покиза Маҳмадбекова). — Бо мақсади таҳлили ҳамаҷониба ва ҳалли фаврии мушкилоте, ки дар фаъолияти банкоматҳои ташкилотҳои қарзии мамлакат ба миён меоянд ва ҳалли дигар масъалаҳои марбут ба истифодаи кортҳои пластикӣ дар Бонки миллии Тоҷикистон хадамоти телефони боварӣ (+992 44) 600-15-20 аз имрӯз ба кор шуруъ намуд.  Тавре ки ба мухбири АМИТ «Ховар» аз хадамоти матбуоти БМТ иттилоъ доданд, акнун ҳар муштарӣ ва соҳиби кортҳои пардохтӣ метавонад дар мавриди камбудиҳое, ки ҳангоми истифодаи банкоматҳо рӯ ба рӯ мешавад, бо рақами номбурда ба Бонки миллии Тоҷикистон хабар диҳад.