Боздиди намояндагони парлумони ҷавонони кишвар аз парлумон
Душанбе, 28 декабр.(АМИТ «Ховар», Марзия Саидова).-Марҳабо Ҷабборова-раиси Кумитаи палатаи поёнии парлумони мамлакат дар радифи мулоқоташ бо намояндагони парлумони ҷавонони Тоҷикистон таъсиси онро мояи ифтихори вакилони Маҷлиси намояндагон арзёбӣ кард ва гуфт, ки ин ниҳод барои баланд бардоштани фарҳанги сиёсӣ, маърифати ҳуқуқии ҷавонон нақши муасссир хоҳад гузошт. Дар мулоқот асосан масъалаҳои марбут ба ҳаёти иҷтимоиву иқтисодии ҷавонони кишвар ва густариши ҳамкорӣ байни парлумони ҷавонони Тоҷикистон бо кумита ва комиссияҳои Маҷлиси намояндагони Маҷлиси Олии ҷумҳурӣ матраҳ гардиданд. Марҳабо Ҷабборова бо ишора ба фаъолияти кумита изҳор дошт: «Аъзои кумитаи мо, ки ки фаъолияташ ба баррасӣ ва масъалаҳои марбут ба кору зиндагии ҷавонон рабт дорад, дар тамоми минтақаҳои кишвар бо ҷавонони фаъол ва равшанфикр суҳбату мулоқот анҷом дода, аз мушкилот ва пешравиҳои онҳо воқиф мегардад». Зикр шуд, ки истифода аз таҷрибаи вакилони Маҷлиси намояндагон дар фаъолияти намояндагии парлумони ҷавонони Тоҷикистон аз мақсадҳои дигари ин ниҳоди ҷавонон аст. Намояндагони парлумони ҷавонони Тоҷикистон дар фарҷоми мулоқот аз китобхона ва осорхонаи палатаи поёнии парлумони мамлакат боздид намуданд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






