Бунёди 25 корхонаи истеҳсоли маводи сохтмон

Декабрь 20, 2012 15:43

Душанбе, 20 декабр. (АМИТ «Ховар», Дилшодаи Хайруллоҳ).- Соли ҷорӣ дар соҳаи саноати маводи сохтмон 34 корхонаи нав бо таъсиси 923 ҷойи нави корӣ мавриди истифода қарор гирифт.Бо дастгирии Вазорати энергетика ва саноати Ҷумҳурии Тоҷикистон дар ноҳияи Мастчоҳ корхонаи сементи ҶДММ «Суғд семент» бо иқтидори солонаи 100 ҳазор тонна семент ба кор оғоз намуд, ки дар он 142 ҷойҳои нави корӣ ташкил шудааст. Инчунин дар ноҳияҳои Ҷ. Расулов, Муъминобод, Ҳисор, Рўдакӣ, Турсунзода, Данғара, Ваҳдат, Хуросон, Ғончӣ, Чкаловск ва Исфара корхонаҳои истеҳсоли хишт, қуму шағал, оҳак, коркарди санг ва гаҷ ба фаъолият шуруъ намуданд. Дар ноҳияи Ёвон аз ҷониби ҶДММ «Хуаксин Ғаюр семент» сохтмони корхонаи семент бо иқтидори 1 млн. тонна семент дар як сол идома дорад. Дар бунёди он 600 нафар коргари хитоӣ ва 200 нафар коргари маҳаллӣ фаъолият доранд. То имрўз ба маблағи 75 млн. доллар корҳо анҷом дода шуда, таҷҳизоти технологӣ ворид шудааст. Аз тарафи корхонаи ҶММ «Ваҳдат Хуалун» дар шаҳри Ваҳдат сохтмони заводи хурди семент, ки иқтидори истеҳсолии 50 ҳазор тонна сементро дар як сол ташкил мекунад, дар арафаи анҷомёбист. Инчунин сохтмони корхонаҳои бузурги семент дар ноҳияҳои Данғара ва Шаҳритус аз тарафи сармоягузорони хориҷӣ мавриди баррасӣ қарор дорад. Дар ин бора ба мухбири АМИТ «Ховар» аз Вазорати энергетика ва саноат иттилоъ доданд.

Декабрь 20, 2012 15:43

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд