Бунёди комбинати метталургӣ дар Ҳисор

Душанбе, 17 декабр. (АМИТ «Ховар», Кристи Эрлих). – Дар ноҳияи Ҳисор сохтмони заводи калонтарини Тоҷикистон – комбинати метталургӣ босуръат идома дорад. Тавре ки аз Вазорати энергетика ва саноати ҶТ ба мухбири АМИТ «Ховар» хабар доданд, комбинат аз ҳисоби маблағҳои Ҳукумати Тоҷикистон якҷоя бо ширкатҳои Чин бунёд мешавад. Баъди соли 2013 мавриди истифода қарор гирифтани комбинати металлургӣ, дар Тоҷикистон истеҳсоли арматура, тахтапӯлод, сим, қубур ва маҳсулоти дигари фулӯзӣ роҳандозӣ мешавад. Алҳол дар комбинат беш аз 200 нафар мутахассисону коргарони тоҷик кор мекунанд. Баъди пурра мавриди истифода қарор гирифтани комбинат қариб 3 ҳазор нафар бо ҷойҳои доимии корӣ таъмин мешаванд.