Чанд хабар аз хориҷи кишвар
Тамдиди барномаи зидибуҳронӣ дар Британияи Кабир Душанбе, 17 декабр. (АМИТ «Ховар»).-Мувофиқи маълумоти расонаи хабарии Би-Би-Си ҳукуматдорони Британияи Кабир тасмим гирифтанд, ки нақшаи барномаи зиддибуҳронии худро то соли 2018-ум тамдид намоянд. Ба гуфти вазири молияи кишвар- Ҷорҷ Осборн барои раҳоӣ аз буҳрони шадиди молии Британияи Кабир 11 миллиард фунт-стерлинг лозим меояд. Вале мувофиқи иттилои коршиносони Пажуҳишгоҳи андоз ин маблағро танҳо дар натиҷаи коҳиш додани хароҷоти давлатӣ ва баланд бардоштани андоз ба даст овардан имконпазир аст. Алҳол ҳукуматдорони мамлакат дар қисми хароҷоти буҷаи соли оянда 8 миллиард фунт-стерлингро кам карданианд. Навсозии сохтори фаъолияти бонкӣ дар Испания Душанбе, 17 декабр. (АМИТ «Ховар»).-Ба иттилои расонаҳои хабарии Испания ҳукуматдорони Аврупо барои навсозии сохтори фаъолияти бонкҳои Испания 35 миллиард евро ҷудо менамоянд. Тавре ки сардори шуъбаи иттилооти бонки Испания хабар медиҳад, бар ивази ин муассисаҳои молиявии Испания бояд садҳо нафар корманди худро ихтисор намуда, дар сохтори бонкҳо як қатор тағйирот ворид созанд. Дар сурати маблағгузорӣ он танҳо ба чор бонки давлатии Испания тақсим мешавад. Дар айни ҳол дар ин бонк 20 ҳазор нафар фаъолият мекунанд. Бонки «Нова Галисиа» аз 5 ҳазору 800 нафар корманди худ бояд 2 ҳазорашро ихтисор созад. Ҳукуматдорони Испания барои наҷоти бонкҳояшон аз 40 то 42,5 миллиард евро дархост кардаанд. Тарҷумаи Иброҳими Ҳабибуллоҳ








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






