Чанд хабар аз хориҷи кишвар

Тирпарронӣ дар Колорадои Амрико Душанбе, 19 декабр. (АМИТ «Ховар»).-Тавре ки дар торномаи шабакаи телевизиони Алҷазира омадааст, дар штати Колорадои Иёлоти Муттаҳидаи Амрико шахсони маргталаб вориди яке аз шуъбаҳои алоқа шуда, ҷониби кормандони он оташ кушодаанд. Дар натиҷаи тирпарронӣ 3 кас ҳалок шуда, чанд каси дигар ҷароҳатҳои гуногун бардоштаанд. Ба гуфти сардори шуъбаи гуруҳи фаврии Вазорати корҳои дохилии кишвар ҷинояткорон баъди содир кардани ин амали нангин даст ба худкушӣ задаанд. Кормандони мақомоти қудратӣ муайян сохтанд, ки силоҳбадастон 2 мард ва 3 зан будаанд. Дар айни ҳол дар ҷойи ҳодиса тафтишот идома дорад. Садамаи нақлиётӣ дар Парвони Афғонистон Душанбе, 19 декабр. (АМИТ «Ховар»).-Дар вилояти Парвони Афғонистон садамаи нохуши наклиётӣ ба амал омад. Ба қавли расонаҳои хабарии кишвар дар ин ҷо мошини хизматии кормандони мақомоти полиси минтақа ба руд сарозер шудааст. Дар натиҷаи ҳодиса 3 корманди мақомоти полис ҷон бохта, 1 нафар бо ҷароҳат ба беморхона бурда шудааст. Ба гуфти мутахассисони мақомоти қудратӣ ва шоҳидон воситаи нақлиёт ҳамроҳи қатори мшинҳои низомӣ аз минтақаи мазкур убур мекардааст. Хатари хурўҷи вулқони «Тунгурауа» Душанбе, 19 декабр. (АМИТ «Ховар»).-Ба иттилои торномаи шабакаи интернетии Hamshari News дар 2 музофоти калони Эквадор хатари хурўҷи вулқони «Тунгурауа» эълон шудааст. Ба гуфти сардори шуъбаи иттилоот ва таҳлилии Донишгоҳи Олмон мутахассисони геофизикии Эквадор ин вулқонро ба сифати хатари дараҷаи якум арзёбӣ кардаанд. Ба гуфти олимони кишвар низ гарду ғубори ин моддаи сўзони кўҳӣ метавонад дар фазо то 4 километр доман паҳн кунад. Ҳукуматдорон тасмим гирифтанд, ки сокинони зарардидаро ба ҷойҳои бехавф кӯчонанд. 15 ҳазор нафар сокинон аз манзилҳои худ маҳрум мондаанд. Вулқони мазкур 135 километр дуртар аз пойтахти кишвар- шаҳри Кито воқеъ мебошад. Вулкани «Тунгурауа» дар ин ҷо соли 1999-ум хурўҷ карда буд.Тарҷумаи Иброҳими Ҳабибуллоҳ