Дар Истаравшан аҳзоби сиёсӣ муттаҳиданд
Душанбе, 13 декабр. (АМИТ «Ховар», Дилшодаи Хайруллоҳ).-Дар чорабиние, ки бахшида ба солгарди таъсиси Ҳизби Халқии Демократии Тоҷикистон бо ташаббуси созмони шаҳрии ин ҳизб дар шаҳри Истаравшан баргузор гардид, шумораи зиёди фаъолони шаҳр, роҳбарони намояндагии ҳизбхои сиёсӣ, аъзои шӯрои ҷамъиятӣ, роҳбарони ташкилоту идораҳо ва намояндагони васоити ахбори умум ширкат варзиданд. Тавре ки роҳбари созмони шаҳрии Ҳизби Халқии Демократии Тоҷикистон Баҳодур Воситов иттилоъ дод, баромадкунандагон, аз ҷумла намояндагони дигар ҳизбҳои сиёсии шаҳр аз таърихи даврони истиқлолият сухан карда, саҳми Раиси ҲХДТ, Президенти мамлакат муҳтарам Эмомалӣ Раҳмонро муассир арзёбӣ намуданд. Чорабинии мазкур бори дигар собит намуд, ки ҳамаи ниҳодҳои давлативу ҷамъиятии шаҳри Истаравшан муттаҳид буда, барои пешрафти иқтисоди кишвар ва боз ҳам баланд бардоштани сатҳи иҷтимоии мардум фаъолият менамоянд.Хотиррасон мекунем, ки Ҳизби Халқии Демократии Тоҷикистон 10 декабри соли 1994 таъсис ёфта, роҳбарии онро Президенти Ҷумҳурии Тоҷикистон муҳтарам Эмомалӣ Раҳмон ба зимма дорад ва дар айни ҳол зиёда аз 195 ҳазор узв дорад, ки наздик ба 40 фоизи онро ҷавонон ташкил медиҳанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






