Дарёфти «хлопушка» аз «Мармариён»

Декабрь 13, 2012 15:46

Душанбе, 13 декабр. (АМИТ «Ховар», Мавзуна Бойева).- Аз ҷониби кормандони ШВКД дар ноҳияи Шоҳмансур ноболиғон: ХуршедҚирғиззода, соли таваллудаш 1995, сокини к.Назаршоев, хонандаи синфи 11-уми мактаби миёнаи таҳсилоти умумии №79 ва Ромизи Қиёмиддин, соли таваллудаш 1996, сокини к.Хайём, хонандаи синфи 10-уми мактаби миёнаи таҳсилоти умумии №79, ҳамчун гумонбар дар муомилоти ғайриқонунии маводи тарфгарӣ дастгир шуданд. Ҳангоми кофтуков аз онҳо 90480-дона маводи «хлопушка» дарёфт ва мусодира шуд.  Инчунин аз ҷониби кормандони ШВКД дар ноҳияи Б.Ғафуров дар ҳудуди ҷамоати деҳоти Хистеварз мошини тамғаи «ВАЗ-2107», рақами давлатиаш АО 20-28 РТ 02 таҳти идораи ноболиғ Бобоҷон Ҳоҷибоев, соли таваллудаш 1996, сокини кӯчаи Низомии ҳамин ноҳия, хонандаи синфи 10-уми мактаби миёнаи таҳсилоти умумии №34 боздошт шудааст. Ҳангоми азназаргузаронии мошини мазкур ба миқдори 28800 дона маводи тарфгарӣ дарёфт ва мусодира шуд, ки маводи мазкур ба ноболиғ Хуршед Саломов, соли таваллудаш 1996, сокини к.Низомӣ, хонандаи синфи 10-и мактаби миёнаи таҳсилоти умумии №34 тааллуқ доштааст. Ҳамчунин аз ҷониби кормандони милитсия дар кӯчаи Рӯдакии пойтахт аз маркази тиҷоратии «Мармариён» шаҳрванд Завқибек Сафаров, соли таваллудаш 1985, сокини деҳаи Ш.Муллогадои ноҳияи Рӯдакӣ дастгир шуд, ки ҳангоми кофтуков аз ӯ 2500 дона маводи «хлопушка» дарёфт ва мусодира шуд. Ин ҳодисаҳо мавриди санҷиш қарор доранд.

Декабрь 13, 2012 15:46

Хабарҳои дигари ин бахш

Имрӯз дар Тоҷикистон ҳавои тағйиёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд