Давраи бозомӯзии хабарнигорони варзишӣ дар Душанбе
Душанбе, 24 декабря (АМИТ «Ховар»).- 22-юми декабр, дар шаҳри Душанбе, давраи бозомӯзии хабарнигорони соҳаи варзиши кишвар шурӯъ шуд.Дар ин давра, ки дар қароргоҳи Кумитаи миллии олимпии Тоҷикистон (КМОТ) ҷараён дорад, намояндагони расонаҳои хабарӣ аз манотиқи мухталифи ҷумҳурӣ ширкат меварзанд. Ба иттилои Нарзулло Латифов, раиси Ассотсиатсияи журналистони риштаи варзиши Тоҷикистон (АЖРВТ), давраи бозомӯзӣ, бешак, барои баланд бардоштани савия ва малакаи касбии шореҳону хабарнигорони соҳа мусоидат хоҳад кард. Дар доираи барномаи ин давраи бозомӯзӣ, хабарнигорон, ҳамчунин имрӯз бо дабири кулли Кумитаи миллии олимпии Тоҷикистон Баҳрулло Раҷабалиев мулоқот карда, ба суолҳои худ дар робита ба натоиҷи ширкати варзишгарони тоҷик дар Бозиҳои XXX тобистонаи олимпӣ дар Лондон, мусобиқоти ҷаҳониву қитъавӣ ва байналмилалӣ посухҳои дақиқ гирифтанд. Баҳрулло Раҷабалиев, инчунин, ба хабарнигорон дар бораи нақшаҳои Кумитаи миллии олимпии Тоҷикистон барои чаҳор соли ояндаи олимпӣ ва ҷараёни омодагиҳо ба Бозиҳои олимпии соли 2016-ум дар Рио-Де-Жанейрои Бразилия иттилоъ дод. Ҷаноби Раҷабалиев, ба хабарнигорони варзишии кишвар барои ҳамкориҳои пайваста бо ин кумита ва тарғиби ҳаракати олимпӣ изҳори сипос намуда, онҳоро бо фарорасии Соли нави милодӣ табрик гуфт ва ба беҳтаринҳо диплому мукофоти пулии Кумитаи миллии олимпии Тоҷикистонро супурд. Инчунин беҳтарин хабарнигорони варзишии кишвар бо ифтихорномаҳои АЖРВТ сарфароз шуданд.
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Имрӯз дар баъзе ноҳияҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
Дар ноҳияи Айнӣ кишти помидор бо усули обёрии қатрагӣ ба роҳ монда мешавад
Дар ноҳияи Шуғнон дар масоҳати 10 гектар боғи нави дарахтони себу зардолу бунёд гардид
