Дилшод Восиев – бозингари беҳтарини Тоҷикистон

Душанбе, 4 декабр. (АМИТ «Ховар»). – Аз рӯи таъбири сармураббиҳои дастаҳои лигаи олӣ оид ба футбол ниммуҳофизатгар ва капитани дастаи «Истиқлол» — и шаҳри Душанбе, ҳамлагари беҳтарини мусобиқоти кишвар Дилшод Восиев беҳтарин бозингари Тоҷикистон дар соли 2012 дониста шуд.Капитани дастаи «Истиқлол» Дилшод Восиев 24 хол ба даст оварда, ниммуҳофизатгари дастаи «Регар – ТадАЗ» ва капитани дастаи мунтахаби Тоҷикистон Хуршед Маҳмудов бо 21 хол ва бозингари дастаи мунтахаби Тоҷикистон Комил Саидов бо 18 хол ҷойҳои дуюм ва сеюмро ишғол намудаанд. Қобили зикр аст, ки Дилшод Восиев дар мусобиқоти соли ҷорӣ ба дарвозаи ҳарифон 24 тӯб ворид намудааст. Дар ин бора аз Федератсияи футболи Тоҷикистон ба АМИТ «Ховар» хабар доданд.