Дурнамои истеҳсоли пахта 103,3 фоиз иҷро шуд

Душанбе, 26 декабр. (АМИТ «Ховар»). – Мувофиқи маълумоти оморӣ, то 24 декабр дар ҷумҳурӣ 414 ҳазору 157 тонна пахта ҷамъоварӣ шудааст, ки ин 103,3 фоизи дурнаморо ташкил медиҳад. Тавре ки аз Вазорати кишоварзии ҶТ ба АМИТ «Ховар» хабар доданд, соли ҷорӣ деҳқонони кишвар дар масоҳати 199 ҳазору 466 гектар пахта кишт намуданд. Имсол деҳқонони вилояти Хатлон 278 ҳазору 913 тонна пахта ҷамъоварӣ намуданд, ки 105,3 фоизи дурнаморо ташкил дода ва нисбат ба ҳамин давраи соли гузашта баробари 6 ҳазору 729 тонна зиёд аст. Кишоварзони хоҷагиҳои вилояти Суғд 113 ҳазору 727 тонна пахта ғундоштаанд, ки 101 фоизи дурнаморо ташкил медиҳад. Дар ноҳияҳои тобеи ҷумҳурӣ 21 ҳазору 517 тонна пахта ҷамъоварӣ шудааст, ки баробари 85,7 фоизи дурнамо мебошад.