Фирори ронанда аз ҷойи ҳодиса

Душанбе, 19 декабр. (АМИТ «Ховар», Ибодат Давлатова).- Дирӯз мошини тамғаи номаълум ҳангоми ҳаракат аз тарафи кӯчаи Мирзобек ба самти кӯчаи Обшорони ноҳияи Шоҳмансур аз уҳдаи идораи воситаи нақлиёт набаромада, пиёдагард Малоҳат Қосимова, соли таваллудаш 1962, сокини к.Айниро пахш намуда, аз ҷойи ҳодиса ғайб задааст.  Тавре ки ба мухбири АМИТ «Ховар» аз ВКД иттилоъ доданд, дар натиҷа М. Қосимова ҷароҳати вазнини ҷисмонӣ бардошта, ҳангоми ба беморхона интиқол додан дар роҳ ба ҳалокат расидааст. Барои муайян кардани мошин ва дастгир намудани ронанда корҳои фаврию ҷустуҷӯӣ идома доранд.