Ифтитоҳи коргоҳи кулчақанд дар Кўлоб

Душанбе, 29 декабр (АМИТ «Ховар»).- Дар шаҳри Кўлоб коргоҳи истеҳсоли кулчақандҳои қолабӣ ба фаъолият оғоз кард. Коргоҳи мазкур дар Корхонаи шири шаҳри Кўлоб кушода гашта, дар бозкушоии он шаҳрдори Кўлоб Абдулғаффор Раҳмонов ширкат варзид. Ин коргоҳ бо таҷҳизоти нав муҷҷаҳаз буда, дар як баст 1,5 тона маҳсулот истеҳсол мекунад. Гуфта мешавад дар коргоҳ 12 намуди кулчақандҳо истеҳсол шуда, ба бозори маҳаллӣ ва шаҳрҳои дигари кишвар, аз ҷумла Душанбе бароварда мешавад. Бо кушода гаштани ин коргоҳ 20 нафар аз духтарони маҳаллӣ бо ҷои кори доимӣ таъмин шуданд. Бояд гуфт то ин дам дар Корхонаи шир когоҳҳои қаннодӣ, нонпазӣ, яхмос, шир фаъол буда, маҳсулоти гуногун истеҳсол мекарданд. Роҳбарияти Корхона тасмим дорад ояндаи наздик ба корхона хатҳои нави технологӣ ворид карда, коргоҳҳои навро мавриди истифода қарор диҳанд. Дар ин бора ба АМИТ «Ховар» сухангўи раиси шаҳри Кўлоб С.Фаррухшоҳ хабар дод.