Ифтитоҳи «Наҳри Калон» дар Қубодиён

Душанбе, 11 декабр . (АМИТ «Ховар», Сарвинози Руҳуллоҳ) – Дар ҷамоати Янгиюли ноҳияи Қубодиён идораи Ассотсиатсияи истифодабарандагони оби “Наҳри Калон” ифтитоҳ шуд. Дар маросими расмии он Кэтлин Мак Доналдс, директори Оҷонсии ИМА оид ба рушди байналмилалӣ дар Тоҷикистон (USAID), намояндагони ҳукумати маҳаллӣ, сафорати ИМА, аҳолии маҳал ва иҷрокунандагони ташаббуси Ҳукумати Амрико “Озуқаворӣ ба хотири оянда” иштирок намуданд. Дар ин бора ба АМИТ «Ховар» аз Сафорати Амрико дар Душанбе хабар доданд. Ба иттилои манбаъ, USAID aссотсиатсияи мазкурро дар доираи Барномаи хоҷагидории деҳқонии оилавӣ ташкил намудааст. Ассотсиатсия барои зиёда аз 25169 нафар сокини ин ноҳия, ки камбуди озуқаворӣ дар он эҳсос мешавад, фаъолият мекунад. Ин ассотстатсия дар 12 ноҳияи ҷанубу ғарби вилояти Хатлон фаъол аст.