Ифтитоҳи отряди сарҳадӣ дар Мастчоҳ

Душанбе, 26 декабр. (АМИТ «Ховар», Бекназари Абӯбакр). — Отряди сарҳадии Бӯстон дар ноҳияи Мастчоҳ кушода шуд. Дар маросими ифтитоҳи он раиси Кумитаи давлатии амнияти миллии Ҷумҳурии Тоҷикистон Саидмӯъмин Ятимов ва раиси вилояти Суғд Қоҳир Расулзода иштирок карданд. Бояд гуфт, ки ин отряд тибқи дастуру супоришҳои Сарвари давлат Эмомалӣ Раҳмон ҷиҳати фароҳам овардани шароити мусоиди хизматӣ барои сарҳадчиён аз ҷониби Фурудгоҳи байналмилалии Душанбе бо сатҳу тарҳи замонавӣ сохта ва ба истифода дода шуд. Он дорои бинои маъмурии ситод, хобгоҳи аскарону афсарон, ошхона, мошинсарой, ҳаммом, ҷои шустушӯй, нуқтаи тиббӣ, анборҳои хӯроку пӯшок, бурҷи дидбонӣ, майдончаи сафороиву варзишӣ ва буғхона мебошад. Аз хадамоти матбуоти раиси вилояти Суғд ба АМИТ «Ховар» иттилоъ доданд, ки Қоҳир Расулзода ва Саидмӯъмин Ятимов бо шароитҳои мавҷуда ошно шуданд ва ба чанд нафар афсару аскар нишони ҷашнии «15 –солагии сарҳад» ва тӯҳфаҳо тақдим гардид.