Имзои Ёддошти Тоҷикистон ва ЮНИСЕФ
Душанбе, 12 декабр. (АМИТ «Ховар»). – Байни Ҳукумати Тоҷикистон ва ЮНИСЕФ Ёддошт дар бораи ҳусни тафоҳум ҷиҳати татбиқи лоиҳаи мушорикат таҳти унвони «Дастгирии коҳиш додани хавфи офатҳои табиӣ дар муассисаҳо ва ҷамоаҳои осебпазири Тоҷикистон» имзо гардид. Дар ҳошияи лоиҳаи мазкур хонандагони мактабҳо аз рӯи коҳиш додани хавфи офатҳои табиӣ ва омодагӣ ба ҳолатҳои фавқулодда барои таъмини амният малакаю донишҳо ба даст меоваранд. Ин лоиҳа дар ҳамкории зич бо Вазорати маориф ва Кумитаи ҳолатҳои фавқулодда ва мудофиаи шаҳрвандии назди Ҳукумати Тоҷикистон роҳандозӣ мешавад. Дар Тоҷикистон хонандагони 10 мактаби ноҳияҳои Рашт, Айнӣ ва Кӯлоб ҳамроҳи муаллимон ва волидайн имконияти ба даст овардани донишҳои зарурӣ ҳангоми машқҳои махсус ва чорабиниҳои дигар бобати коҳиш додани хавфи офатҳои табииро ба даст меоранд.Мақсад аз ин лоиҳа мусоидат ба саъю кӯшишҳои Ҳукумати Ҷумҳурии Тоҷикистон барои таҳким бахшидани устуворият ва коҳиш додани осебпазирии кӯдакон ва мактабҳои ноҳияҳоест, ки дучори офатҳои табиӣ гардидаанд.ЮНИСЕФ дар доираи ин мушорикат бо Тоҷикистон, Арманистон, Озарбойҷон, Гурҷистон, Қазоқистон, Қирғизистон ва Туркманистон ҳамкорӣ дорад.Дар ин бора аз Намояндагии ЮНИСЕФ дар Тоҷикистон ба АМИТ «Ховар» хабар доданд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






