Истеҳсоли масолеҳи сохтмонӣ дар соли 2012

Душанбе, 20 декабр. (АМИТ «Ховар», Дилшодаи Хайруллоҳ).-Корхонаҳои соҳаи маводи сохтмони ҷумҳурӣ соли равон фаъолияти худро самаранок ба роҳ монда, бо технологияҳои навтарин фаъолият доранд.  Тибқи иттиллои Вазорати энергетика ва саноати ҶТ дар айни замон дар ҷумҳурӣ 8 корхонаи калони семент, 83 корхонаи хишт, 62 корхонаи истеҳсоли қуму шағал, 6 корхонаи коркарди санг, 6 корхонаи хурди истеҳсоли оҳак, гаҷ ба истеҳсоли масолеҳи сохтмонӣ машғуланд. Аз рӯи ҳисоботи пешакӣ соли ҷорӣ 9,5 ҳазор м2 тахтасанг, 230 ҳаз. тонна семент, 115 млн. дона хишти сохтмонӣ, 230 ҳазор м2 шишаи сохтмонӣ, 400 ҳазор м3 қуму шағал, 15 ҳазор тонна гаҷ, 700 тонна гили андова, 350 тонна ранг, 2,6 ҳазор тонна оҳак истеҳсол шудааст. Шумораи умумии ҷойҳои корӣ дар соҳа 5680 нафарро ташкил мекунад.