Кӯмаки навбатӣ ба хонаи кӯдакон

Душанбе, 26 декабр. (АМИТ «Ховар», Дилшодаи Хайруллоҳ).- Дар арафаи фарорасии соли нави 2013 Вазорати энергетика ва саноати Ҷумҳурии Тоҷикистон ба 128 нафар тарбиятгирандаи хонаи кӯдакони деҳаи Танобчии ноҳияи Темурмалик ба маблағи 9750 (нуҳ ҳазору ҳафтсаду панҷоҳ) сомонӣ маводи хӯрокӣ, либосу пойафзол ва молҳои ниёзи аввалия, аз қабили орд, макарон, марҷумак, биринҷ, равған, фурӯзонак, майдаи биринҷ, шакар, туҳфаҳои солинавӣ , бастаи рахти хоб кӯмак расонида шуд. Ин иқдом дар доираи Амри Президенти Ҷумҳурии Тоҷикистон аз 12.01.2008 оид ба расонидани кӯмаки доимии моддию молиявӣ ба маъюбону пиронсолон, иштирокчиёни Ҷанги Бузурги Ватанӣ, оилаҳои камбизоат, хона-интернатҳо ва муассисаҳои иҷтимоӣ мунтазам амалӣ мегардад.