Консепсияи такмили Кодекси гражданӣ

Душанбе, 18 декабр.(АМИТ «Ховар», Марзия Саидова).-Консепсияи такмили қисми якуми Кодекси граждании Ҷумҳурии Тоҷикистон зимни нишасти серўзае, ки бо ибтикори Маркази миллии қонунгузории назди Президенти Ҷумҳурии Тоҷикистон дар ҳамкорӣ бо ҷамъияти олмонӣ оид ба ҳамкории байналмилалӣ (GIZ) созмон дода шуд, баррасӣ гардид. Иштирокдорони нишаст, ки аз олимон, мутахассисони соҳаи ҳуқуқ, намояндагони созмонҳои ҷамъиятӣ ва байналмилалӣ иборат буд, атрофи масъалаҳои марбут ба такмили қисми якуми Кодекси гражданӣ, хусусан муқаррароти умумии кодекс, ширкату ҷамъиятҳои хоҷагидорӣ, аҳдҳо, намояндагӣ, аҳдҳои беэътибор ва оқибатҳои ҳуқуқии он, ҳуқуқи моликият, дигар ҳуқуқҳои ашёӣ, уҳдадориҳо ва масоили дигари вобаста ба қисми якуми Кодекси граждании Ҷумҳурии Тоҷикистон табодули назар намуданд.