М. Чориева варзишгари беҳтарини сол

Душанбе, 18 декабр. (АМИТ «Ховар»).- Анҷумани журналистони бахши варзиши Тоҷикистон 10 варзишгари беҳтарини соли 2012-ро номбар кард.Тавре, ки раиси анҷумани мазкур Нарзулло Латифов хабар дод, аз рӯи натиҷаи пурсиши журналистони бахши варзиши Тоҷикистон Мавзуна Чориева унвони варзишгари беҳтарини кишвар дар соли 2012-ро ба даст овард. Қобили зикр, аст ки Мавзуна Чориеваи 19 сола дорандаи медали биринҷии бозиҳои тобистонаи олимпӣ дар Лондон мебошад. М. Чориева ҳамчунин дар мусобиқоти ҷаҳон оид ба бокс медали биринҷӣ ва дар мусобиқоти Осиё аз рӯи ин намуди варзиш медали нуқра ба даст овардааст. Дар пурсиш беш аз 70 нафар журналистони инъикосдиҳандаи рӯйдодҳои варзиш иштирок доштанд.