Медали тилло- туҳфа дар арафаи Соли нав
Душанбе, 28 декабр. (АМИТ «Ховар», Дилшодаи Хайруллоҳ).- 27-уми декабри соли 2012 паҳлавони шинохтаи тоҷик Комроншоҳи Устопириён, дар мусобиқаи ХХХII-юми умумирусиягии дзюдо дар вазни то 100 кг барандаи медали тилло гардид. Мусобиқаи мазкур дар Новосибирскии Русия таҳти унвони «Дӯстии халқҳо» бо ширкати зиёда аз 100 варзишгари кишварҳои ҳамсоя баргузор шуд. Комроншоҳ дар панҷ муҳорибаи хеш тавонист бо усули маъруфи иппон ҳарифонро шикаст диҳад. Бояд тазаккур дод, ки Комроншоҳи Устопириён 19 сол дошта, соли 2012 ду маротиба барандаи Ҷоми Аврупо (ҳам миёни ҷавонон ва ҳам бузургсолон), ду маротиба барандаи медали тиллои мусобиқаҳои байналмилалӣ ва ҳамчунин барандаи медали биринҷии Чемпионати Осиё (Тайван, моҳи октябр) дар риштаи дзюдо гардидааст. Инчунин дар намуди самбо се маротиба унвони қаҳрамони ҷаҳонро миёни ҷавонон соҳиб гардидааст. Дар ин бора ба мухбири АМИТ «Ховар» Муродалӣ Тешаев, сухангӯи Кумитаи миллии олимпии ҶТ иттилоъ дод.
Имрӯз дар шаҳри Душанбе ҳаво то 39 дараҷа гарм мешавад
27 июл дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
