Муҳоҷирони зарардида ба ватан фиристода шуданд

Душанбе, 11 декабр. (АМИТ «Ховар», Лутфия Эшонқулова). – Муҳоҷирони меҳнатие, ки бар асари қаллобии фурӯшандагони чиптаҳои қалбакии ҳавопаймоҳо зарар дидаанд, ба ватан фиристода шуданд.Мувофиқи хабари дафтари матбуоти Намояндагии Хадамоти муҳоҷирати ҶТ дар ФР, 10 декабр бо мадади намояндагӣ 4 нафар шаҳрвандони Тоҷикистон аз ҳисоби маблағҳои ширкати саҳмдорон бо чиптаҳо таъмин намуда ва ба ватан фиристода шуданд. Тавре ки қаблан хабар дода шуда буд, ин шаҳрвандон бар асари қаллобии кормандони марказҳои чиптафурӯшӣ, ки чиптаҳои қалбакии ҳавопайморо ба савдо мебароварданд, зарар дидаанд.Алҳол намояндагӣ барои баргардонидани маблағҳои зарардидагон чора мебинад. Дар робита бо ин, Намояндагии Хадамоти муҳоҷирати ҶТ дар ФР шаҳрвандони ба ватан баргаштаи Тоҷикистонро огоҳ мекунад, ки чиптаҳоро фақат аз бунгоҳҳои расмӣ харидорӣ кунанд.