Муҳокимаи масоили муносибатҳои Тоҷикистону Украина

Душанбе, 21 декабр. (АМИТ «Ховар»). – Дирӯз дар шаҳри Киев мулоқоти Сафири Тоҷикистон дар Украина Шӯҳрат Султонов ва раиси Радаи Олии Украина Владимир Рибак баргузор гардид.Тавре ки аз Сафорати Ҷумҳурии Тоҷикистон дар Украина ба АМИТ «Ховар» хабар доданд, дар ҷараёни мулоқот масоили муносибатҳои дуҷониба, аз ҷумла рушди минбаъдаи равобити парлумонии байни Украина ва Тоҷикистон мавриди муҳокима қарор гирифтанд.Шӯҳрат Султонов Владимир Рибакро ба муносибати ба мансаби баланди давлатӣ интихоб шуданаш муборакбод кард.Тавре маълум аст, Владимир Рибак 13 декабри соли ҷорӣ дар ҷаласаи ҳайати нави Радаи Олии Украина раиси парлумони ин кишвар интихоб гардид.