Муҳокимаи масоили суғуртаи ихтиёрии тиббӣ

Душанбе, 18 декабр. (АМИТ «Ховар», Лутфия Эшонқулова).- Чанде пеш роҳбари Намояндагии Хадамоти муҳоҷирати назди Ҳукумати Ҷумҳурии Тоҷикистон Асрор Одинаев бо ноиби Президенти Ширкати суғуртаи низомии Федератсияи Руссия Виктор Соловёв мулоқот анҷом дод. Тавре, ки Хадамоти муҳоҷирати ҶТ хабар медиҳад, дар ҷараёни мулоқот масоили суғуртаи ихтиёрии тиббии шаҳрвандони ҶТ , ки дар ҳудуди Федератсияи Русия фаъолият доранд, мавриди муҳокима қарор гирифтаанд. Қобили зикр аст, ки ширкати мазкур барномаи суғуртаи хароҷоти таъхирнопазири тиббии муҳоҷирони меҳнатиро пешниҳод менамояд.