Муштариёни барқ чӣ шикоят доранд?
Душанбе, 11 декабр. (АМИТ «Ховар», Мавзуна Бойева).- Дар ҷаласаи видеотелефонии ШСХК «Барқи Тоҷик» раиси ин ширкат Абдулло Ёров кори даҳрӯзаи гуруҳи оҷили навбатдорӣ ва телефони боварии ширкатро чамбаст намуд. Қайд шуд, ки дар муддати аз 29 ноябр то 10 октябр ба ин телефонҳо, ки дар қабулгоҳ насб шудаанд, 548 занги телефонӣ ворид гардиданд. Аз онҳо 248 занги телефонӣ аз риоя нашудани реҷа ва дар 266 занги телефонӣ аз рӯӣ додани садамаҳо ва сербории трансфарматорҳо ва дар боқимонда аз ҳодисаҳои истифодаи ғайриқонунии барқ, аз ҷумла ба хатҳои тоза пайваст намудани ашхоси алоҳида шикоят мешуданд. Дар мавриди аксарияти шикоятҳо сари вақт тадбирҳо амалӣ гардиданд. Бобати бо хатҳои тоза пайваст намудани шахсони алоҳида нисбат ба роҳбарони шабакаҳои барқии ба ин амал дастдошта чораҳои маъмурӣ андешида шуд. Дар Ширкат комиссияи босалоҳият созмон дода шудааст, ки ҳар даҳрӯза шикоятҳои дар занги телефонии муштариён иброзшударо мавриди таҳқиқ ва омӯзиш қарор медиҳад. Дар охири ҷаласаи видеотелефонӣ раиси ШСХК «Барқи Тоҷик» ба роҳбарони зерсохторҳо супориши дод, ки набояд аз ҳисоби меъёри ҷудошудаи ҷадвали маҳдудият барқро сарфа намоянд. Аҳолии кишвар бояд аз рӯи меъёри ҷудошуда пурра барқ гирад. Дар ин бора ба АМИТ «Ховар» аз маркази матбуоти ШСХК «Барқи Тоҷик» иттилоъ доданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






